sábado, 30 de octubre de 2021


 

CAN DE CHIRA, O CAN PASTOR ARAGONÉS

O “Can de Chira” u “can que chira u vultía a o rabaño”, ha tenito perén una importán funzión en as vals altoaragonesas, an a ganadería ovina y caprina transuante yera una autividat  alazetal. En que plegaba o estiu, milentas d'arrés yeran levatas a paxentar  ta o puerto meyo, por o que istos cans se convertiban en impreszindibles ta os pastors, formando un gran equipo con os mostins d'o Pireneu.

Se trata d'una raza de can que, tenendo un debampasau común a muitas atras razas de can pastor europeas, prozedén d'as estepas asiaticas, estió criata en epoca romana por toz os territorios de l'Imperio, mezclando-se asinas con os cans propios de cada puesto ta dar forma a diversas razas de can pastor que conoxemos uei.

Si quiers saper más sobre iste can, fidel, somiso, disziplinato, obedién y convertito en autentico patrimonio istorico cultural, grazias a os esfuerzos d'as destintas chenerazions d'os pastors aragoneses, puedes consultar a informazión que achuntamos contino u consultar a fuen: https://candechira.org/