jueves, 24 de marzo de 2022

 

DESFRUTA CON UN NUEVO TALLER DE RADIO OS DIYAS 2 Y 9 D’ABRIL

O Instituto Aragonés d’Arte y Cultura Contemporanios (IAACC) Pablo Serrano de Zaragoza acullirá, os diyas 2 y 9 d’abril, un nuevo Taller de Radio en Aragonés impartito por a Direzión Cheneral de Politica Lingüistica d’o Gubierno d’Aragón, con a colaborazión de Resonar.

Dimpués d’o taller d’adultos, que se zelebró de traza online, se torna a la presenzialidat ta levar a cabo l’autividat destinata a toz aquels chovens cualas edaz sían comprenditas entre os 13 y os 18 años, y a os ninos mayors de ueito años que bi acudan acompañatos d’un adulto.

O taller contará d’una serie de fayenas enfilatas a formar y entretener, afavorindo a esprisión oral, o treballo cooperativo, a satisfazión d’as ansias creativas u a conoixenzia d’os aspeutos teunicos basicos d’o meyo radiofonico, tot ixo adautato a cada grupo d’edat y con o protagonismo d’a luenga aragonesa.

A partizipazión en dito taller ye gratuita, quedando a inscripzión ubierta dica o diya 1 d’abril.