lunes, 21 de diciembre de 2020

En 2021, continaremos con tú

Dende a Direzión Cheneral de Politica Lingüistica, rezibe os nuestros millors deseyos pa l'Año Nuevo:


 

Conoixe a nueva App Agora x l'aragonés

 

En ista App que agora presentamos se pueden trobar toz os recursos tecnolochicos que s’han desarrollau en os zaguers años por o Gubierno d’Aragón relazionaus con a luenga aragonesa, asinas como as instituzions y asoziazions pueden difundir as suyas actividaz y as interpresas as ofiertas d’os suyos productos.

Amás, en un aria privada, aquels que quieran fablar en aragonés con atras personas pueden fer-lo a traviés d’os miembros que s’inscribioron como mentores, en una esperenzia que ya esiste en atras luengas, de practica de l’idioma entre personas que no se conoxen.

Descarga l’App en: ttps://play.google.com/store/apps/details?id=es.aragon.apla

Os usuarios de IOS pueden consultar-la a traviés de: https://www.agoraxlaragones.org/Particulares/

Pa conoxer más sobre l’App Agora x l’aragonés, puez consultar o siguién video:



Caja Rural de Aragón felicita las fiestas en las lenguas de propias de Aragón

Caja Rural de Aragón demuestra su compromiso de buenas prácticas felicitando las fiestas navideñas, también en aragonés:

 




 

Scape room «Zoca de Nadal» en Canfranc

 

L’actividat «Zoca de Nadal» une tradizión y tecnolochía pa rezibir o solsticio d’ibierno y con él o Nadal.

O Scape Room se realizará o 24 d’aviento a las 16:15 h en Canfranc y cal apuntar-se por WhatsApp en o 692.093.362.

Ye organizau por a «Asoziazión Espelungue. L’Aragonés en a Chazetania», chunto a lo Conzello de Canfranc.

 


 

 

 

 

 

miércoles, 9 de diciembre de 2020

Nueva App Agora x l'aragonés

 

Dende fa bes diyas ye a disposizión cheneral a App d'o programa Agora x l'aragonés. Se trata de meter en contauto a ras interpresas, asoziazions e instituzions con os particulars d'a comunidat "Agora", más que más en istos momentos en que no pueden fer-se autividaz de traza presenzial como a Feria u os achuntes con os mentors e mentoras.

Podrez veyer en o mobil os recursos teunolochicos que s'ofrexen (u se vaigan ofrexendo en o esdevenidero) dende a Direzión Cheneral de Politica Lingüistica, asinas como as autividaz (AUTIVIDAZ/ACTIVIDADES) que encluyan as asoziazions e instituzions e as ofiertas (OFIERTAS/OFERTAS) que ofrexcan as interpresas u asoziazions.

Amás, en un atra pestaña (ZERCA DE TU/CERCA DE TI), os usuarios podrez veyer en o vuestro mobil as interpresas, asoziazions e instituzions que son incorporatas a o programa en un rayo de 20 km dende o puesto an que tos trobez (perén que tiengaz autivato "Ubicazión" en o vuestro mobil).

En zagueras, emos autivato a posibilidat de que puedas rilazionar-te direutamén con beluna  d'as presonas que s'han ofrexito como mentors u mentoras ta que establexcas con él u ella a traza en que iz a fer as charradas  (por exemplo a traviés de videoconferenzias).

 

A App ye disponible en: https://play.google.com/store/apps/details?id=es.aragon.apla


Asperamos que te siga d'utilidat, muitas grazias!

Agora x l'aragonés